Қасіретті қаңтар оқиғалары  бойынша құқық қорғау органдары 2 729 қылмыстық істі тергеп жатыр. Олардың 107-не айыптау үкімі шығарылса, 86 айыпталушынің ісі сотқа жіберілді, 52-сі сотталды,- деп хабарлады ІІМ Тергеу департаментінің бастығы Санжар Әділов.

ІІМ статистикасы бойынша Әділов келесі мәліметтерді ұсынған:

2 729 қылмыстық іс бойынша 255 адам қамауда жатыр. Жасалған әрекеттің ауырлығына қарай 140 адамға бұлтартпау шарасы таңдалды: 62 күдікті үй қамағында, 33-і кепілдікте, 45 күдіктіден  ешқайда шықпау туралы қолхат алынды.

"Қылмыстық істердің негізгі бөлігі ұрлық – 1844 іс, қарудың заңсыз айналымы – 343 іс, мүлікті қасақана бүлдіру немесе жою – 144 іс тергелуде. Ішкі істер органдарының тергеушілері 107 күдіктіге қатысты қаңтардағы оқиғалар бойынша қылмыстық іс айыптау актісімен аяқталды. Бұл істердің негізгі бөлігін ұрлық – 65, қаруды заңсыз сақтау фактілері – 11, оларды ұрлау – 7 және басқалар құрайды. Сотқа 86 айыпталушы берілген. Бүгінгі таңда ел соттары жасаған қылмысының ауырлығы мен жеке басын ескере отырып, 52 адамды соттады, оның 39 – ы – бас бостандығын шектеуге, 13 – і-бас бостандығынан айыруға, ал екі адамға қатысты тараптардың татуласуына байланысты тоқтатылды", - деді Әділов.

Сонымен қатар, ІІМ Тергеу департаментінің бастығы полиция ұрланған қаруды іздеуді жалғастырып жатқанын атап өтті. Оның мәліметінше, полицейлер 1 006 қару мен 20 307 оқ-дәріні тәркілеген.

Abai.kz