"Орал" халықаралық әуежайына Кеңес Одағының Батыры Мәншүк Мәметованың есімі берілді.

"Орал" халықаралық әуежайы" жауапкершілігі шектеулі серіктестікке Мәншүк Мәметованың есімі берілсін", - делінген қаулыда. Құжатқа үкімет басшысы Әлихан Смайылов қол қойды.

Екінші дүниежүзілік соғыстың батыры Мәншүк Мәметова 1922 жылы Батыс Қазақстанның Орда ауданында дүниеге келген. Алматы қаласындағы №28 мектепте оқыған. Мәншүк Ұлы Отан соғысы басталғанда, 1942 жылы Алматы қаласындағы медицина институтында оқып жүреді. 1942 ж. тамызда ол өз еркімен Қызыл Армия қатарына алынып, 21-нші атқыштар дивизиясының құрамында ұрысқа қатысты. Невель қаласы үшін болған кескілескен шешуші соғыста Мәншүк ақтық демі біткенше пулеметтен оқ боратып, қаһармандықпен қаза тапты.

Abai.kz