Мәжіліс төрағасы Ерлан Қошанов ҚР Парламентін тарату туралы қауесетке қатысты пікір білдірді. Бұл туралы Zakon.kzке сілтеме жасап, Abai.kz хабарлайды. 

"Әзірге бұл мәселе талқыланған жоқ. Бірақ президент саяси реформалар жариялады деп айта аламын. Біз жыл соңына дейін тиісті конституциялық және өзге де заңдарды қабылдауымыз керек", деді Мәжіліс спикері.

Парламентті тарату туралы шешім қабылданса, партия сайлауға дайын ба деген сұраққа Қошанов: "Иә, кез келген партия саяси күреске дайын болуы керек. Ертең сайлау жарияланса, әрине, біздің партия дайын", деді.

Қошанов партиядан президенттік сайлауға түсуді қарастырмайтынын және жоспарда жоқтығын айтты. 26 сәуірде Ерлан Қошанов "Amanat" партиясының төрағасы болып сайланған болатын. Оның кандидатурасын партияның кезектен тыс XXIII съезінде барлық мүшелері қолдады.

Abai.kz