Жыл басынан бері 7,4 мыңнан астам этникалық қазақ қандас мәртебесін алды. Бұл туралы Еңбек және халықты әлеуметтік қорғау министрлігі хабарлаған.

«Биылғы бірінші шілдедегі есеп бойынша 7 415 этникалық қазақ тарихи отанына оралып, қандас мәртебесін алды»,- делінген деректе.

Қазақстанға оралған қандастардың 70,2%-ы Өзбекстаннан, 10,4%-ы Қытайдан, 7,4%-ы Түркіменстаннан, 3,2%-ы Моңғолиядан және 8,8%-ы басқа елдерден келген. Келгендердің көбісі Алматы, Маңғыстау, Түркістан және Жамбыл облыстарында, сондай-ақ Алматы, Нұр-сұлтан және Шымкент қалаларына қоныстанды.

1991 жылдан бастап республикаға барлығы 1 млн 95,3 мың этникалық қазақ оралды.

Abai.kz