Үтік басып, қинаған: Тергеу аяқталды
Прокуратура органдары қаңтар айындағы оқиғалар кезеңінде ұсталғандарға азаптауды қолданған полиция қызметкерлеріне қатысты қылмыстық істерді тергеп жатыр.
Құзырлы орган өкілдерінің хабарлауынша, қазіргі уақытта арнайы прокурорлар Алматы облысының полиция департаментінде үтік басып, азаптағаны туралы іс бойынша тергеу әрекеттерін аяқтады.
"Нәтижесінде полиция қызметкерлерінің 2022 жылғы 7-17 қаңтар аралығында Талдықорған қаласында жаппай тәртіпсіздік жасағаны үшін ұсталған 23 азаматқа азаптау қолданғаны дәлелденді", - деді ҚР Бас прокуратурасының баспасөз қызметі.
Abai.kz
