Рейстерді кешіктірген, жолаушылардың құқықтарын бұзған авиатасымалдаушылар жауапкершілікке тартылды. Бұл туралы Азаматтық авиация комитеті баспасөз қызметі хабарлады.

6 қыркүйекте  «Air Astana” әуе компаниясына рейсті кешіктіру кезінде жолаушылар құқығын бұзғаны үшін 1 000 АЕК (3 063 000 теңге) көлемінде айыппұл салынды.

16 шілдеде «Air Astana” әуе компаниясының Алматы – Нұр-Сұлтан бағыты бойынша КС-853 рейсі резервтік ұшу экипажын күту себебінен 27 сағат 21 минутқа кешіктірілді. Рейс кешіккен уақытта әуе компаниясы жолаушыларды қонақ үймен қамтамасыз етпеген.

Шілде айынан бастап "«Air Astana” " әуе компаниясына (құрылымдық бөлімшесі Fly Arystan әуе компаниясы болып табылады) 7 000 АЕК (21 441 000 теңге) сомасына 7 рет айыппұл салынды.

Осы уақытта қазақстандық әуе компаниялар 8 000 АЕК (24 504 000 теңге) сомасына 8 рет әкімшілік жауапкершілікке тартылған.

Abai.kz