Желтоқсаннан бастап коммерциялық пойыз билеттері 20%-ға қымбаттайды. Qazaqstan.tv арнасының хабарлауынша, «Қазақстан темір жолы» компаниясының өкілдері мұндай тәсілдің 28 ақпанға дейін пилоттық режимде қолданылатынын айтқан.

Жауаптылардың сөзінше, төменгі орындағы билеттің құны өседі. Бұл пойыз вагондарындағы орынды біркелкі бөлу үшін жасалып отыр. Сонымен бірге жолаушылардың төменгі орынға сұранысын өтеуді көздейді. Төменгі орындағы билет Алматыдан Маңғыстауға, Оралға, Петропавлға және Атырауға жол жүретін пойыздарда қымбаттайды. Сонымен бірге «Астана-Шымкент» бағытындағы жолаушыларға да кейбір билеттер жоғары бағаға сатылады.

Abai.kz