Дональд Трамп тағы да президент сайлауына түспек
АҚШ-тың бұрынғы президенті Дональд Трамп 2024 жылы өтетін президент сайлауына түсуге ресми өтініш берді. Бұдан кейін бұрынғы президенттің өзі Флоридадағы резиденциясында жиналған жақтастар алдында сөз сөйледі.
«Американың жаңа өмірі басталады!», - деді Трамп көпшілік алдында сөйлеген сөзінде.
Ол Ақ үйде өткізген төрт жылдық кезеңін мақтанышпен сипаттады.
«Осы қысқа төрт жылда бәрінің жағдайы керемет болды. Бәрі бұрын-соңды болмағандай гүлденді», - деген Трамп ол қызметтен кеткен кезде экономиканың коронавирус індетінен туындаған рецессиядан тез қалпына келгенін жеткізді.
Abai.kz
