Бұған дейін кремлшіл телеграм каналдар Макеевкаға шабуылдан Ресейдің жүздеген әскериі қаза тапқанын жазған еді.

Ал Украина әскерінің стратегиялық коммуникация басқармасы телеграм каналында шабуылдан Ресейдің 400 әскериі қаза тауып, 300 әскери жараланғанын хабарлаған.

Донбасстағы сепаратистердің қарулы күштерінің экс басшысы Игорь Стрелков (Гиркин) "жүздеген адамның қаза тауып я жараланғанын" жазды. Оның сөзінше, қаза тапқандар мен жараланғандардың нақты санын қазір айту қиын, себебі көбі іздестіріліп жатыр.

Украиналық каналдар Макеевкадағы казармада Самар облысынан мобилизацияланғандар болғанын жазады.

ТАСС агенттігі ресейлік әскерилер жаңа жыл түні ұялы телефон қолданғандықтан украиналық әскерилер олардың отырған жерін тауып алған деп жазады.

Ресей соғыс басталғалы алғаш рет осыншама көлемде әскериінен айырылғанын мойындады.

Abai.kz