Импорт өсті: Қазақстан қай елдердің тауарына тәуелді?
Қазақстанның сыртқы сауда айналымы 2022 жылғы қаңтар-қыркүйекте 98384,7 млн АҚШ долларын құрады. Бұл 2021 жылғы қаңтар-қыркүйекпен салыстырғанда 34,9%-ға артық, деп хабарлайды Ulysmedia.kz.
Ұлттық статистика бюросының мәліметінше, өткен жылы еліміздің экспорты – 63827,8 млн АҚШ долларын (номиналды мәнде 47,5%-ға артық), импорт – 34556,9 млн АҚШ долларын (номиналды мәнде 16,5%-ға артық) құраған.
Еліміздің экспорттағы негізгі әріптес елдері: Италия (17,6%), Қытай (16,1%), Ресей (9,3%), Нидерланды (6,4%), Корея Республикасы (5,6%), Түркия (5,6), Өзбекстан (4,1%), Франция (3,0%).
Қазақстанға тауар импорттайтын негізгі елдер: Ресей (36%), Қытай (22%), Германия (4%), АҚШ (3,4%), Корея Республикасы (3,3%), Түркия (3,1%), Өзбекстан (2,7%), Италия (2,1%).
Abai.kz
