"Тиісті мемлекеттік органдардың сараптамасы нәтижесі бойынша активтер жөнінде арнайы декларация тапсыратындай шектеулі тізім жасап шығару көзделген. Егер активтердің иесі ақшаның қайдан келгенін дәлелдеп бере алмаса, ол негізсіз келген қаржы көзі ретінде есепке алынып, мемлекет кірісіне қайтарылуды көздейді", - делінген үкімет таратқан хабарламада.

Қайтарылған қаражат Қазақстан халқының әл-ауқатын көтеруге арналған жобаларға жұмсалмақ.

Қаңтар оқиғасынан кейін ел президенті Қасым-Жомарт Тоқаев елдің байлығын иемденген адамдар жайлы бірнеше рет айтты.

Tax justice network ұйымының мәліметінше, соңғы 25 жылда Қазақстаннан шетелдік офшорлы ұйымдарға 140–160 млрд доллар шығарылған. Кейбір сарапшылар шығарылған қаражат бұдан да көп болуы мүмкін дейді.

Abai.kz