Белсенді Дина Таңсәрі Мәжіліс депутаты Қарақат Әбденді қызметінен кетуі керек деп санайды.

Ол депуттаттың «шетелдіктермен шаңырақ көтергендерге салық салу керек» деген ұсынысының «ұлттық кемсітушілік» екенін айтып, адам құқығын бұзу болып саналатынын жеткізді. Дина Таңсәрі Қарақат Әбденді мандатынан айыру үшін петиция жарияламақ.

«Грузинге тұрмысқа шыққан қыздың анасы ретінде айтарым, мұндай ұсыныс айтқан адамдарды сотқа беру керек! Бұл ұлттық кемсітушілік! Мен құрметтей алмайтын ханым адам құқықтары туралы бір нәрсе біле ме екен?

Мен петиция құрып, ел Конституциясын бұзғаны үшін оны Қазақстан Парламентінен шығаруды талап етемін!»,- деп жазды берсенді әлеуметтік парақшасында.

Бұған дейін Қарақат Әбден «шетелдіктермен некеге тұрғандарға салық енгізу» туралы ойын Мәжіліс отырысында көтеруге дайын екенін айтқан.

«Осы кезге дейін айтқандарымның бәрін, барлық идеяларымды, көтерген барлық мәселелерді кейінгі қызметімде де жалғастырамын.Қазір айтып отырған шетелдіктермен некеге тұруға салық салу ұсынысын әлі де көтеру керек. Қалай жүргізілетінін түсіндіру керек. Неге енгізбеске? Сөзсіз енгізу керек» – деді ол.

Abai.kz