بەلسەندى دينا ءتاڭسارى ءماجىلىس دەپۋتاتى قاراقات ابدەندى قىزمەتىنەن كەتۋى كەرەك دەپ سانايدى.

ول دەپۋتتاتتىڭ «شەتەلدىكتەرمەن شاڭىراق كوتەرگەندەرگە سالىق سالۋ كەرەك» دەگەن ۇسىنىسىنىڭ «ۇلتتىق كەمسىتۋشىلىك» ەكەنىن ايتىپ، ادام قۇقىعىن بۇزۋ بولىپ سانالاتىنىن جەتكىزدى. دينا ءتاڭسارى قاراقات ابدەندى مانداتىنان ايىرۋ ءۇشىن پەتيتسيا جاريالاماق.

«گرۋزينگە تۇرمىسقا شىققان قىزدىڭ اناسى رەتىندە ايتارىم، مۇنداي ۇسىنىس ايتقان ادامداردى سوتقا بەرۋ كەرەك! بۇل ۇلتتىق كەمسىتۋشىلىك! مەن قۇرمەتتەي المايتىن حانىم ادام قۇقىقتارى تۋرالى ءبىر نارسە بىلە مە ەكەن؟

مەن پەتيتسيا قۇرىپ، ەل كونستيتۋتسياسىن بۇزعانى ءۇشىن ونى قازاقستان پارلامەنتىنەن شىعارۋدى تالاپ ەتەمىن!»،- دەپ جازدى بەرسەندى الەۋمەتتىك پاراقشاسىندا.

بۇعان دەيىن قاراقات ابدەن «شەتەلدىكتەرمەن نەكەگە تۇرعاندارعا سالىق ەنگىزۋ» تۋرالى ويىن ءماجىلىس وتىرىسىندا كوتەرۋگە دايىن ەكەنىن ايتقان.

«وسى كەزگە دەيىن ايتقاندارىمنىڭ ءبارىن، بارلىق يدەيالارىمدى، كوتەرگەن بارلىق ماسەلەلەردى كەيىنگى قىزمەتىمدە دە جالعاستىرامىن.قازىر ايتىپ وتىرعان شەتەلدىكتەرمەن نەكەگە تۇرۋعا سالىق سالۋ ۇسىنىسىن ءالى دە كوتەرۋ كەرەك. قالاي جۇرگىزىلەتىنىن تۇسىندىرۋ كەرەك. نەگە ەنگىزبەسكە؟ ءسوزسىز ەنگىزۋ كەرەك» – دەدى ول.

Abai.kz