Білім саласындағы жемқорлық Шымкент қаласы, Шығыс Қазақстан, Түркістан және Қызылорда облыстарында өршіп тұр. Бұл ҚР Оқу-ағарту министрлігі мен Сыбайлас жемқорлыққа қарсы іс қимыл агенттігінің еліміздің барлық білім беру ұйымдарында аудит жүргізуі кезінде анықталған.

«Министрліктің басым міндеттерінің бірі - білім беру ұйымдарын жоғары білікті кадрлармен қамтамасыз ету және білім беру жүйесіндегі менеджментті жақсарту. Мықты басшыларды іріктеу және даярлау бағдарламасы әзірленуде. Барлығы ашық әрі айқын болу үшін жоғары білікті педагогтер базасын және мектеп директорларының кадрлық резервін құру жоспарлануда», - деді Ғани Бейсембаев.

Сыбайлас жемқорлық фактілеріне жол бермеу мақсатында министрлік аумақтық бөлімшелер, Сыбайлас жемқорлыққа қарсы іс-қимыл агенттігі, әкімдіктер мен мәслихаттар депутаттары және қоғам өкілдерін тарта отырып мониторинг топтарын құруды ұсынды.

Айта кету керек, сыбайлас жемқорлықтың алдын алу шаралары еліміздің барлық өңірлерінде жалғасады.

Abai.kz