Еліміздегі баспасөз өкілдерінің кәсіби мерекесінің қарсаңында «Қазақстан» РТРК АҚ Басқарма төрайымы Нұржан Жалауқызын интернет-конференциямыздың мейманы ретінде  шақырып отырмыз. Нұржан ханым басшылық жасағалы бері «Қазақстан» ұлттық арнасының жаңалықтар қызметі мен бағдарламалары толық мемлекеттік тілге көшті. Ұлттық арнаның аясынан «Балапан», «Мәдениет» сияқты арналар бөлініп шығып, ақпарат кеңістігінен орын алуда. Жуырда «Спорт» арнасының тұсауы кесілмекші. Мемлекет ауқымын тұтас қамтып, аса ірі көлемде тарайтын Ұлттық арна жетекшісіне қояр сұрағыңыз бен айтар ойыңыз болса, мархабат, құрметті оқырман.  

Мұхамеджанова Нұржан Жалауқызы

Еліміздегі баспасөз өкілдерінің кәсіби мерекесінің қарсаңында «Қазақстан» РТРК АҚ Басқарма төрайымы Нұржан Жалауқызын интернет-конференциямыздың мейманы ретінде  шақырып отырмыз. Нұржан ханым басшылық жасағалы бері «Қазақстан» ұлттық арнасының жаңалықтар қызметі мен бағдарламалары толық мемлекеттік тілге көшті. Ұлттық арнаның аясынан «Балапан», «Мәдениет» сияқты арналар бөлініп шығып, ақпарат кеңістігінен орын алуда. Жуырда «Спорт» арнасының тұсауы кесілмекші. Мемлекет ауқымын тұтас қамтып, аса ірі көлемде тарайтын Ұлттық арна жетекшісіне қояр сұрағыңыз бен айтар ойыңыз болса, мархабат, құрметті оқырман.  

Мұхамеджанова Нұржан Жалауқызы

Әл-Фараби атындағы ҚазМҰУ-дің журналистика факультетін үздік тәмамдаған. Қазақ радиосының балалар мен жастар редакциясында редактор, бөлім бастығы, Бас редактор қызметтерін атқарған. 1991 жылы  Қазақ радиосы «Шалқар» бағдарламасы ақпараттық-сараптамалық редакциясының Бас редакторы, Қазақ радиосы бағдарламалар Бас редакторы, 1992-1994 жылдары Қазақ радиосы Бас директорының бірінші орынбасары, Қазақ радиосының саяси шолушысы қызметін атқарды. 1997 жылы ҚР Президенті Баспасөз қызметінде, 1997-2006 жылдары «Интерньюс» Халықаралық Ұйымының Қазақстандағы Өкілдігі директорының орынбасары, Атқарушы директоры, 2006 жылы «31 канал» ТРК Атқарушы директорының бірінші орынбасары, Атқарушы директоры, 2008-2011 жылдары «31 канал» ТРК Бас директоры болды. 2008 жылдан Қазақстан Телерадиотаратушылар Ұлттық Ассоциациясының Президенті. 2011 жылдың шілдесінен «Қазақстан» РТРК АҚ Басқарма төрайымы. Қазақстанның еңбек сіңірген қайраткері.

Abai.kz