2023 жылдың бірінші жартыжылдығында медицина кадрларына тапшылық 8 836 маманды құрады. Бұл жайында Денсаулық сақтау министрлігінен мәлім етті.

«2023 жылдың бірінші жартыжылдығында медицина кадрларына тапшылық 8 836 штаттық бірлікті (дәрігерлер – 4 619, орта медициналық қызметкерлер – 4 216) құрады. Тапшылық 31 пайызға (дәрігерлер бойынша – 27, орта медицина қызметкерлері бойынша – 36) төмендеді», - деп атап өтті министрліктен агенттіктің ресми сауалына орай.

Осы орайда ведомство медициналық кадрлар тапшылығы Алматы, Атырау, Жамбыл, Қызылорда, Маңғыстау облыстары мен Астана қаласында төмендегенін атап өтеді. Дегенмен, анестезиолог-реаниматолог (233 маман қажет), акушер-гинеколог (268), жалпы тәжірибе дәрігері (392), сәулелік диагностика дәрігері (230) сынды клиникалық бейіндегі мамандар тапшылығы жоғары болып тұр.

Abai.kz