Елімізде халық саны 20 миллионға жақындады
Қазақстанның халық саны 19,8 миллион адамға жетті. Оның 6,6 мыңы мигрант. Бұл туралы Ұлттық статистика бюросы жариялады.
Қала халқының саны 12,3 млн болса, ауыл тұрғындарының саны 7,5 млн адам.
Қазақтар жалпы халықтың 70,6 пайызды құрайды. Орыстар – 15,1%, өзбектер – 3,2%, украиндар – 1,9%, ұйғырлар – 1,5%, немістер – 1,1%.
Алматы қаласы халық саны жөнінен бірінші орында тұр – 2,1 миллион адам тұрады. Кейінгі кезекте Астана (1,3 млн) мен Шымкент (1,2 млн) қалалары орналасқан.
Abai.kz
