"Қазіргі уақытта Қазақастан тарапы ішкі мемлекеттік рәсімдеудің бәрін аяқтады. Енді қытай тарапынан да дәл осындай рәсімдеудің аяқталғаны жөнінде хабар күтеміз", - деді СІМ-нің ресми өкілі Айбек Смадияров дүйсенбіде брифинг кезінде.
26 шілдеде Қазақстан үкіметі Қытаймен виза талап етуден босату жөніндегі өзара келісімді бекітті. Бұл келісімге сәйкес, екі елдің азаматтары 30 күнге дейін визасыз жүре алатын болады. Биыл 17 мамырда Қазақстан президенті Қасым-Жомарт Тоқаев Қытайға барған сапарында аталған келісімге қол қойған.
Қазақстан мен Қытай арасындағы шекара қашықтығы 1 783 шақырым.
Былтыр шілде айынан бері Қазақстан Қытай, Үндістан және Иран елдерінің азаматтарына 14 күнге дейін біржақты визасыз режим енгізген.
Abai.kz
