"Біз ауруханаға барып, балалардың жағдайын білдік. Балалардың жағдайы жақсы, көбі үйіне қайтты. Біз балалардың ата-анасымен сөйлестік", - деп жазды ол.

Мирзияева Наманган прокуратурасы қылмыстық іс қозғап, бас прокуратураға жібергенін жеткізді. Іс "Санитарлық заңдарды және эпидемияға қарсы күрес ережесін бұзу" бабы бойынша қозғалған.

21 қыркүйекте Наманган облысына қарасты Чуст ауданында уланды деген күдікпен 70-тен астам бала ауруханаға түскен. Олар аудандағы тоғыз балабақша тәрбиеленушілері мен екі орта мектептің оқушылары болған.

Ата-аналар балаларға йод бергенін айтқан. Себебі Өзбекстанда әр сәрсенбі сайын балаларға йод бере бастаған. Балалар йодтан улануы мүмкін деген болжам айтылады.

Денсаулық сақтау министрлігі Өзбекстанда шығарылатын "Антиструмин" калий-йодын тергеу аяқталғанша қолдануға тыйым салды.