Жексенбі, 3 Наурыз 2024
Билік 1177 0 пікір 8 Қараша, 2023 сағат 18:05

Депутат: «Бала күтіміне берілетін жәрдемақы мерзімін 3 жылға дейін ұзартуды ұсынамыз»

«AMANAT» партиясының фракция мүшесі, депутат Қ. Балабиев жалғызбасты ана және жалғызбасты әкелерді әлеуметтік қорғау мәселесін Парламент қабырғасында көтерді.

«Мемлекет басшысы Қасым-Жомарт Кемелұлы Тоқаев Отбасы мәселесіне үнемі қолдау танытып, басымдық беретіндігі баршамызға белгілі.

Бүгінгі депутаттық сауал толық емес отбасылар, жалғызбасты ана және жалғызбасты әкелердің әлеуметтік қорғалуы туралы. Депутаттық сауалдың толық мәтіні қосымша жолданады.

«AMANAT» партиясы толық емес отбасылардың, асыраушысынан айырылған отбасылардың және жалғызбасты аналардың, жалғызбасты әкелердің әлеуметтік жағдайын қолдау, ол отбасыларындағы балалардың қалыптасып, дамуы туралы жүйелі шараларды жүзеге асыруға байланысты келесі ұсыныстарды енгізеді.

Қазақстандағы барлық әйел мен жалғызбасты әкелерге бала күтіміне байланысты төленетін жәрдемақы мерзімін 3 жылға дейін ұзартуды ұсынамыз.

Жұмыссыз жалғызбасты аналар және жалғызбасты әкелердің бала күтіміне байланысты ай сайынғы әлеуметтік төлем мөлшерін заңда бекітілген күнкөріс минимумына теңестіруді сұраймыз.

Жалғызбасты аналар және жалғызбасты әкелердің балаларына мемлекеттік балабақшадан орын алу үшін кезекте басымдық беруді, мектептерде спорт секцияларына және шығармашылық үйрмелерге тегін қатысуын қамтамасыз етуді, еңбек нарығындағы сұранысқа ие мамандықтарға кәсіби бағдар жұмысының бағдарламасын қабылдап, грант негізінде білім алып, еңбекке араласуын қарастыратын бағдарлама қабылдауды сұраймыз»,-деді депутат.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 525
Алашорда

Қожанов межелеу науқанында

Бейбіт Қойшыбаев 352
Ғибырат

Қайсар рухты ғазиз жан

Мұхтар Құл-Мұхаммед 825