Осының алдында Тёрнер Конгресстің барлық мүшелеріне хат жөнелтіп, Барлау істері бойынша комитетте аты аталмаған елдің "әскери мүмкіндіктерді тұрақсыздандыру ықтималдығы" туралы жасырын мәлімет бар екенін білдірді.
CNN телеканалы өз бұлақтарына сүйеніп, бұл мәлімет Ресейге байланысты болуы мүмкін екенін хабарлады. Дереккөздің бірі бұл "өте сезімтал мәлімет" екенін айтып, ол жөнінде жақында ғана белгілі болғанын және алаңдаушылық білдіріп жатқанын жеткізген.
Politico басылымының журналисі Алекс Уорд Өкілдер палатасындағы Барлау комитетінің үш мүшесіне сілтеме жасап, конгрессмендер бұл ақпаратқа расында алаңдаушылық білдіріп жатқанын, бірақ бұл шұғыл дағдарыс емес, ұзақ мерзімді қауіп жөнінде болып жатқанын білдірген.
Тёрнердің мәлімдемесінде президенттің ұлттық қауіпсіздік мәселелері бойынша кеңесшісі Джейк Салливан 15 ақпанда комитет басшыларымен кездеседі деген.
Abai.kz
