Қазақстанда кальянға тыйым салатын заң шығады
Үкімет басшысының орынбасары Тамара Дүйсенова депутаттарға берген жауабында кальян айналымына толық тыйым салу үшін заңнамаға тағы өзгеріс енгізгелі жатқанын айтты, деп хабарлайды Abai.kz.
ІІІМ бақыуымен, «Халық денсаулығы және денсаулық сақтау жүйесі туралы» кодексте қоғамдық орындарда, оның ішінде қоғамдық тамақтану пункттерінде темекі өнімдерін тұтынуға тыйым салынған..
«2023 жылдың қорытындысы бойынша жоғарыда көрсетілген тыйымдарды орындамаумен байланысты 18 мыңнан астам құқық бұзушылық анықталып, шамамен 700 млн теңге сомасында айыппұл салынды. Денсаулық сақтау министрлігі жүргізген зертханалық зерттеулер кальян сұйықтығында өкпенің қабынуын тудыратын, сонымен қатар емделуі қиын аспергилл грибогы, ашытқы, аса қауіпті бактериялардың (көгілдір таяқша, алтын түстес стафилококк) жиналатынын растайды», - делінген жауапта.
