Құранды өртеген Ресей азаматы 3,5 жылға сотталды
2023 жылы 4 мамырда Құран кітабын өртеген Волгоград тұрғыны Никита Журавельге қатысты Грозный соты үкім шығарды.
Еске салайық, Никита Журавель Волгоградтағы мешіт маңында Құран кітабын өртеген болатын. Ол 20 мамырда ұсталып, 22 мамырда қамауға алынған.
Шешенстанда мыңдаған адамның ереуілге шығуына себеп болған аталмыш оқиғадан кейін Журавель Ислам дінін қабылдауға ниет білдіріп, қазір Құран оқып жүргенін айтқан болатын.
Сот шешімімен азамат кінәлі деп танылып, 3,5 жылға бас бостандығынан айырылды. Ал жазасын жалпы режимдегі түрмеде өтейді.
Abai.kz
