Ақтөбе облысы әкімдігі су тасқынынан зардап шеккен және қиын жағдайға тап болған тұрғындар біржолғы төлем ала алатындығын хабарлады.

Гүлназ Сисенованың айтуынша, біржолғы төлемді алу үшін азаматтар тұрғылықты жері бойынша қалалық немесе аудандағы жұмыспен қамту бөлімдеріне хабарласуы қажет.

"Ақтөбе қаласы тұрғындары мен Әйтеке би ауданының тұрғындары үшін төлем сомасы – 300 мың теңге. Басқа аудандардың тұрғындары үшін – 100 АЕК (1 АЕК = 3 692 теңге) мөлшерінде. Төлем алуға келетіндер жұмыспен қамту бөліміне Штаб комиссиясының қорытындысы негізінде Төтенше жағдайлар департаментінен су тасқынынан зардап шеккенін растайтын анықтама алып келуі керек. Бөлім қызметкерлері барлық ақпаратты 8 жұмыс күні ішінде тексеред", – делінген әкімдік хабарламасында.

Ақпарат расталған жағлайда, өтініш беруші біржолғы төлемді 3 жұмыс күні ішінде алады.

Abai.kz