Бүгін кешке таңға дейін Алматыда өткінші жаңбыр жауып, 17 сәуірге дейін жалғасады. Бұл туралы қала әкімдігінің баспасөз қызметі хабарлайды.

Елдегі болып жатқан төтенше жағдайларға қатысты, коммуналдық инфрақұрылымды дамыту басқармасының хабарлауынша, қаланың коммуналдық қызметтері қаланың су бұру жүйелерін алдын ала тексеріп, су алатын торларды, арық жүйелері мен құдықтарды тазарту жұмыстарын жүргізеді.

Жаңбыр суының кедергісіз өтуін қамтамасыз ету үшін мотопомпалармен, ілмектермен және басқа да құралдармен жабдықталған 52 жедел мобильді топ ұйымдастырылған. 2,3 мың құм салынған қап дайындалды.

«Ауа райының нашарлауына байланысты ағаштардың құлау қаупі және электр сымдарының үзілуіне байланысты жүргізушілерге көліктерді жол жиегіне қоюға кеңес берілмейды. Су тасқынының алдын алу үшін азаматтардан арықтарға, каналдарға қоқыс тастамауын сұраймыз. Су тасқыны немесе уақытша су жиналып қалған жағдайда аудан әкімдіктеріне хабарлауға немесе What’s app нөміріне +7 (706) 689 88 98 хабарлама жазуға болады», – деп жазылған хабарламада.

Abai.kz