Баспанасы бүлінген тұрғындарға өтемақы толық көлемде беріледі.  Арнайы құрылған комиссия мүшелері бұл туралы жариялады, деп хабарлайды Abai.kz.

Толығымен суға батып, тұруға мүлдем жарамайтын үйлердің орнына  жаңасы салынбақ. Ақтөбе, Қостанай, Ақмола, Атырау мен Солтүстік Қазақстан облыстарында 7 мыңға жуық тұрғын әлі де уақытша қоныстану пунктерінде қалып отыр.

Жалпы, бес аймақта 5 мыңнан астам жеке тұрғын үй, мың жарым аула мен саяжайдағы 2 мың үй су астында қалған. Тасқын басталғалы бері бас-аяғы 113 мың адам, оның ішінде 40 мыңға жуық бала құтқарылған. Сондай-ақ, 9,7 миллионнан астам текше метр еріген қар суы сорып шығарылған.

Abai.kz