1-3 суреттер: Аңса Мұстафаның туындылары

4-5 суреттер: Светлана Попованың туындылары

Наурыз мерекесін азаматтық-мемлекеттік деңгейде өткізуге қоғамдық-әлеуметтік топтардың, бастамашылардың жобаларын  жұмылдыру, үйлестіру, қолдау мақсатымен НАУРЫЗ-АЛЬЯНС клубы құрылғанын хабарлағанбыз.

Зиялы қауым: клубқа бірігуге тілектес ғалымдар, барлық өнерпаз тұлғалар мен мемлекет және қоғам қайраткерлері шақырылуда.

Журналистер әр өңірде ортақ жобаны Наурыз-фест (тоғыз күндік фестиваль) ұйымдастыруда. Ақтөбелік РИКА телеарнасы қолға алғанын Жаңагүл Жүрсін жеткізді.

Құтпарақ безендіру бойынша белгілі астаналық суретші Аңса Мұстафа мен алматылық дизайнер Светлана Попова (Вета) қазақы бояуға толы, мазмұнға бай туындыларын жариялап жүр.

Әкімшілік тобындағы Берік Уәлидің септігімен, ОҚО облыс әкімі А.Мырзахметовтың қолдауымен биыл да кірісіп кетті.

Мемлекеттік ұйымдар тобындағы компаниялар, ЖОО, мектептер, колледждер, лицейлер, балабақшаларға тиісті сценарийлер сұраныс бойынша таратылуда. Сценарий сұраушылар ішінде ҚР БҒМ  Ғылым комитеті де бар.

Әзірге Бизнес-құрылым тарапынан мынадай екі бағыттың бірі де қозғалған жоқ:

• Наурызды мерекелеуге қатысты атрибуттарды әзірлеуге, насихаттауға қажетті шығындарға демеушілік көрсету;
• Наурыз мейрамына қатысты сұраныс тудыратын коммерциялық өнімдер мен жобаларды атқаруға инвестор болу.

Насихатшылар қатарында әсіресе, блогерлер белсене қатысуда.

Жалпы алғанда, биылғы Наурыз да жылдағыдай жетімсірейтін түрі бар. Мәдениет министрлігіне келген жаңа басшы ойланады деген үміт жоқ емес...