Депутат: Халық қарыздың құрсауына әбден батты!
Халық қарыздың қоршауында қалды. Мәжіліс депутаты Елнұр Бейсембаев осылай деп дабыл қақты.
Қазіргі таңда 8 млн 400 мың қазақстандықтың несиесі бар. Бұл экономикалық белсенді жұрттың 80 пайызынан көбі банктерге қарыз деген сөз. 1,4 трлн теңгенің төлем уақыты кешіктіріліп жатыр. 1 млн 700 мың адам алған несиесін қайтара алмайтын жағдайға жеткен.
Мәжіліс депутатының айтуынша, бұл қазақстандықтардың таза табысы төмендеп кеткенін көрсетеді. Сондықтан мемлекет тарапынан шұғыл шара қолданылуы керек.
Abai.kz
