Елорда тұрғынын баспана алап беремін деп танысы алдап кеткен. Астана қаласы Полиция департаменті баспасөз қызметінің мәліметінше, жәбірленуші тартымды ұсынысты қабылдап, алайда көптен күткен баспанасына ие бола алмаған.

Ол қылмыскерге 1 млн 500 мың теңгеден астам сомаға алданып қалған. Кейін алданғанын түсінген елорда тұрғыны полицияға жүгінген.

- Жедел-іздестіру іс-шараларының көлемінде Байқоңыр ауданының криминалдық полиция қызметкерлері күдіктінің тұлғасын анықтады. Қаражатты алаяқтықпен иемденіп, осылайша, материалдық шығын келтірген 35 жастағы әйел адам екені мәлім болды, - делінген Астана қаласы ПД хабарламасында.

Күдікті қылмысын мойындады. Алайда жәбірленушіге ақшасы қайтарылмады, өйткені қылмыскер қаражатты әр түрлі шоттарға жіберген.

- Алаяқтық фактісі бойынша қылмыстық іс қозғалды. Тергеу барысында күдіктінің тағы да ұқсас қылмыстарға қатыстылығы анықталды. Қазіргі таңда қылмыскер абақтыға қамалды, - деп хабарлады қалалық полиция департаменті.

Полиция барлық жағдайды тексеру және қылмыскердің мүмкін болатын байланыстарын анықтау мақсатында тергеуді жалғастыруда.

Abai.kz