Telegram Astana Hub қатысушысы болды
Telegram компаниясы ресми түрде Astana Hub — Орталық Азияның технологиялық паркі мен инновациялық кластерінің қатысушысы мәртебесіне ие болды. Бұл туралы Astana Hub баспасөз қызметі хабарлады.
2024 жылдың маусым айында Telegram негізін қалаушы Павел Дуров цифрлық даму, инновациялар және аэроғарыш өнеркәсібі министрі Жаслан Мәдиевтің шақыруымен Қазақстанға келді. Сапар аясында ол Astana Hub-қа барып, кластердің инфрақұрылымымен және IT-компанияларды қолдау бағдарламаларымен танысты. Сапар қорытындысы бойынша Astana Hub-та Telegram кеңсесі ашылды.
Abai.kz
