Министрдің айтуынша, шетелдік студенттер үшін С9 санатындағы көп мәртелік электронды виза жаңадан қарастырылады.

– Сондай-ақ жұмыс істеуге – рұқсат беретін визаны енгізуді ұсынамыз. Бұл виза халықаралық аккредитациясы бар университетті бітірген шетелдік түлектерге арналған. Бұл шара үздік түлектерді Қазақстанда мансап құруға ынталандырып, еліміздің экономикасы мен ғылымын дамытуға үлес қосуға мүмкіндік береді,- дейді ол.

Саясат Нұрбектің айтуынша, бұдан бөлек, еліміздің көші-қон саясаты тұжырымдамасында сұранысқа ие мамандықтар бойынша визаларды енгізу қарастырылған.

Мұндай визалар ғылым, білім, технологиялар салаларында құнды дағдылары бар шетелдік мамандарға және этникалық қазақтарға беріледі.

Abai.kz