Үкімет ҚР ТЖМ өкілеттігін кеңейтті
Қазақстан үкіметі Төтенше жағдайлар министрлігінің өкілеттігін кеңейтті.
Жаңа қаулыға сәйкес, министрлік енді аумақ қорғанысы мен эвакуацияны ұйымдастыруға, халықты қатер туралы құлақтандыруға, арнайы құралымдар құруға және әскери-техникалық саясатқа қатысуға құқылы.
Сонымен бірге ТЖМ қару-жарақ пен әскери техника айналымына бақылау жүргізіп, жаңа үлгілеріне техникалық талаптар әзірлейді. Әскери-патриоттық тәрбие, қорғаныс өнеркәсібі және мемлекеттік қорғаныс бойынша тапсырыстар да министрлік құзыретіне енгізілді.
Abai.kz
