Қазақстан Парламентінде палаталардың бірлескен отырысында «Қазақстан Халық Кеңесі туралы» конституциялық заң жобасы бірінші оқылымда мақұлданды, деп хабарлайды БАҚ.

Құжатты Әділет министрі Ерлан Сәрсембаев ұсынды. Заң жобасына сәйкес, Қазақстан Халық Кеңесін азаматтардың мүдделерін білдіруді қамтамасыз етуге және мемлекеттік саясатты қалыптастыру мен іске асыруға қоғамдық қатысу тетіктерін кеңейтуге арналған жоғары конституциялық консультативтік орган ретінде айқындау ұсынылады.

Жаңа органның функциясына заң шығару бастамасы құқығы арқылы заң шығару процесіне қатысуды, қоғамдық талқылаулар мен бақылауды ұйымдастыруды енгізу жоспарлануда. Заң жобасы сондай-ақ Қазақстан Халық Кеңесінің мақсаттарын, міндеттерін, қызметінің қағидаттарын, құрылымын, өкілеттіктерін және қалыптастыру тәртібін бекітуді көздейді.

Заң қабылданғаннан кейін Қазақстан халқы Ассамблеясының функциялары жаңа органға беріледі, бұл ретте Ассамблеяның өзі жұмысын тоқтатады.

Abai.kz