قازاقستان پارلامەنتىندە پالاتالاردىڭ بىرلەسكەن وتىرىسىندا «قازاقستان حالىق كەڭەسى تۋرالى» كونستيتۋتسيالىق زاڭ جوباسى ءبىرىنشى وقىلىمدا ماقۇلداندى، دەپ حابارلايدى باق.

قۇجاتتى ادىلەت ءمينيسترى ەرلان سارسەمباەۆ ۇسىندى. زاڭ جوباسىنا سايكەس، قازاقستان حالىق كەڭەسىن ازاماتتاردىڭ مۇددەلەرىن ءبىلدىرۋدى قامتاماسىز ەتۋگە جانە مەملەكەتتىك ساياساتتى قالىپتاستىرۋ مەن ىسكە اسىرۋعا قوعامدىق قاتىسۋ تەتىكتەرىن كەڭەيتۋگە ارنالعان جوعارى كونستيتۋتسيالىق كونسۋلتاتيۆتىك ورگان رەتىندە ايقىنداۋ ۇسىنىلادى.

جاڭا ورگاننىڭ فۋنكتسياسىنا زاڭ شىعارۋ باستاماسى قۇقىعى ارقىلى زاڭ شىعارۋ پروتسەسىنە قاتىسۋدى، قوعامدىق تالقىلاۋلار مەن باقىلاۋدى ۇيىمداستىرۋدى ەنگىزۋ جوسپارلانۋدا. زاڭ جوباسى سونداي-اق قازاقستان حالىق كەڭەسىنىڭ ماقساتتارىن، مىندەتتەرىن، قىزمەتىنىڭ قاعيداتتارىن، قۇرىلىمىن، وكىلەتتىكتەرىن جانە قالىپتاستىرۋ ءتارتىبىن بەكىتۋدى كوزدەيدى.

زاڭ قابىلدانعاننان كەيىن قازاقستان حالقى اسسامبلەياسىنىڭ فۋنكتسيالارى جاڭا ورگانعا بەرىلەدى، بۇل رەتتە اسسامبلەيانىڭ ءوزى جۇمىسىن توقتاتادى.

Abai.kz