Мен 45 жастамын. Өмірім туралы ішімдегі ойларыммен және жүрегімдегі сезімдеріммен бөліскім келеді.

Өмірдегі құндылықтар туралы

Біздің отбасымызда заңға бағыну, адалдық, әділдік және шынайылық әрдайым жоғары бағаланатын. Әрине, мұндай құндылықтар көптеген отбасыларда бар шығар, бірақ менің ата-анам бұл мәселеде ерекше принципшіл болды. Сол қасиеттердің көбі маған да дарыған сияқты.

Менің анам қатал әрі принципшіл басшы болды. Ол 20 жылдың ішінде Тараз қаласының орталығындағы қарапайым қазақ мектебін еліміздегі ең мықты әрі беделді оқу орындарының біріне – Төле би атындағы №8 гимназияға айналдырды. Соған қарамастан, ол мұғалімдерге маған бағаны көтеруге немесе қандай да бір жеңілдік жасауға ешқашан жол берген емес. Керісінше, тапсырманы көбірек беріп, менен басқалардан да қатты талап етуді сұрайтын.

Әкем де қатал әрі адал адам еді. Ол Жамбыл облысы бойынша құдықтар мен гидротехникалық нысандардың жобаларын әзірледі. Жағымпаздарды, жалтақтарды және жемқорларды жаны сүймейтін. Ондай адамдармен амандасудан да қашқақтайтын. Тіпті кездейсоқ амандасып немесе сөйлесіп қалса, үйге келген соң қолын жуып алатын. Қазір ойласам күлкілі көрінеді, бірақ бұл шындық болатын.

Сезімдер мен үміттер туралы

Ең алдымен, мен өзімді бақытты адаммын ба деген сұрақтан бастайын.

Иә, мен бақыттымын.

Мен өз жұмысымды жақсы көремін. Таңертең жұмысқа кетіп бара жатқанымды, кешке шаршап қайтып келгенімді көріп жүретін балаларымның, жұбайымның және жақындарымның жанымда болуы – мен үшін үлкен бақыт.

Әзірге балаларым әкесінің жұмыста қаншалықты күш жұмсайтынын толық түсіне бермейді. Шынын айтсам, мұны көмекшім Мадинадан басқа ешкім толық түсінбейтін шығар. Бірақ балаларым ержетеді, біз бойларына сіңірген құндылықтармен өмір сүреді.

Мен Мәжілісте күн сайын талқылап, қабылдап жатқан заңдар халқымыздың өмірін жақсартса екен деп армандаймын. Оның ішінде өз балаларымның да болашағына оң әсерін тигізсе деймін. Осы мақсат жолында мен де, әріптестерім де аз еңбек еткен жоқпыз.

Мансап туралы

Менің мансабым – қағаздағы әдемі жазылған өмірбаян емес. Ол – өмірімнің нақты үш кезеңінен тұратын үлкен жол.

Біріншісі – ғылым мен оқытушылыққа арналған 14 жыл.

Екіншісі – соттардағы заңгерлік тәжірибеге арналған 7 жыл.

Үшіншісі – соңғы 3 жылдағы Парламенттегі қызмет.

Менің күшім де осы жолда жатыр.

Студенттерге дәріс оқи жүріп, аудиторияны басқару қабілетімді жетілдірдім. Жер құқығы сияқты күрделі саланы жастарға қызықты етіп жеткізе білдім. Әрбір дәріс арқылы өзімді болашақтағы кәсіби аудиториялармен жұмыс істеуге дайындадым.

Ғылымға арналған жылдар білімімді шыңдап, кәсіби құзыретімді арттырды. Ал соттарда азаматтардың жерге қатысты құқықтарын қорғауға жұмсаған жеті жыл тәжірибемді толық қалыптастырды.

Осындай жолдан кейін Парламенттегі жетістіктерім өмір жолымның заңды жалғасы болды.

Достық және айналамдағы адамдар туралы

Мен үшін ешқашан бай немесе танымал адам маңызды болған емес. Мен әрдайым өз ісінің кәсіби маманын, мойындалған сарапшыны жоғары бағаладым.

Айналамдағы адамдарды да осы қағида бойынша таңдадым және әлі де солай таңдаймын. Екінші маңызды өлшем – достыққа адалдық.

Өмірімде бір рет болса да сенімімнен шыққан жалған достарды және маған теріс әсер ететін адамдарды еш қиналмай өз ортамнан алыстатамын.

Мен сөзге емес, іске сенемін.

Өйткені адамның шынайы болмысын оның сөзі емес, ісі көрсетеді.

Білім мен қызығушылықтар туралы

Мен білімге әрдайым ерекше құрметпен қарадым.

Мен білімді әрі кітап оқуды жақсы көретін отбасында өстім. Анам – 55 жылдық еңбек өтілі бар педагог, әкем – инженер-жобалаушы және гидрогеолог.

Біздің үйде кітаптың орны ерекше болатын.

Мектептен келген соң 90 жастағы көзі көрмейтін әжеме кітап оқып беретінмін. Шешендік өнер, билердің төрелігі, ақындардың өлеңдері, қазақ тарихы мен мәдениеті туралы еңбектерді бірге оқыдық.

Қазақ тарихы мен әдебиетінен бөлек, палеонтологияға, археологияға, әлем тарихы мен географиясына қызықтым.

10-сыныпта заң саласына деген қызығушылығым ерекше оянды. Университетке түскенше күтпей, белгілі заңгерден жеке сабақ алып, құқық негіздері мен құқық салаларын терең меңгере бастадым.

11-сыныпқа келгенде заң университетінің екінші және үшінші курс бағдарламасының едәуір бөлігін жатқа білетінмін.

Студенттік төрт жыл ішінде бірде-бір рет дискотекаға, клубқа немесе барға барған емеспін. Есесіне уақытымның көп бөлігін университет кітапханасында өткіздім.

Мен әрдайым өмірдегі басымдықтарды дұрыс қоя білдім. Соның жемісін көріп жүрген сияқтымын.

Мінезім, болмысым және темпераментім туралы

Менімен бірге өмір сүру де, жұмыс істеу де оңай емес.

Бала кезімнен өзім де, ата-анам да менің тік мінезімнен талай қиындық көрдік. Біреу сынаса, ашуға беріліп, терезе сындырған, жиһаз бүлдірген, айлар бойы салған суреттерімді жыртып немесе лақтырып жіберген кездерім болды.

Жас ұлғайған сайын өзімді тәртіпке үйреттім, мінезімді тежей білдім. Бірақ менімен өмір сүру немесе жұмыс істеу жеңілдеп кетті деп айта алмаймын.

Жұбайым Адельге ерекше ризамын. Ол маған екі керемет бала сыйлады. Балаларым мені сабырлырақ әрі байсалдырақ етті.

Сондай-ақ, маған сенгені және әрдайым мені бірінші орынға қойғаны үшін де оған алғысым шексіз.

Мен өз ұстанымынан таймайтын, мінезі бар, ар-намысты адамдарды құрметтеймін. Шындықты айту қиын болса да, оны бетке айтатын адамдарды сыйлаймын.

Өз көзқарасы жоқ, өз құқығы мен мүддесін қорғауға дайын емес, өзгенің айтқанымен ғана жүретін адамдарды әлсіз деп санаймын.

Принципшілдік пен батылдықты бір сәтте емес, бүкіл өмір бойы дәлелдеу керек. Ол үшін адам біліммен, тәжірибемен және кәсіби құзыретпен қарулануы тиіс.

Бүгінде Парламенттегі жұмысыма дәл осы қасиеттер көмектесіп келеді.

Жалпы алғанда, Парламент мені тәртіпке шақырып, эмоцияға берілетін коммерциялық заңгерден жауапты мемлекет қайраткеріне айналдырды.

Бұл жолда Мәжіліс Төрағасы Ерлан Қошановтың еңбегі зор. Ол менің кәсіби қалыптасуыма үлкен ықпал етті.

Жалпы, өмірім туралы айтарым мұнымен шектелмейді. Қазіргі ойларым мен сезімдерімді әлі де ұзақ баяндауға болар еді.

Бірақ кейде әр адам осылай өткен жолына көз жүгіртіп, өз өмірін саралап отыруы керек деп ойлаймын.

Өйткені дәл сондай сәттер адамға жүріп өткен жолын бағалауға, жетістігі мен қателігін таразылауға және алдағы мақсатын айқындауға мүмкіндік береді.

Бақытжан Базарбек, мәжіліс депутаты

Abai.kz

Мен 45 жастамын. Өмірім туралы ішімдегі ойларыммен және жүрегімдегі сезімдеріммен бөліскім келеді.

Өмірдегі құндылықтар туралы

Біздің отбасымызда заңға бағыну, адалдық, әділдік және шынайылық әрдайым жоғары бағаланатын. Әрине, мұндай құндылықтар көптеген отбасыларда бар шығар, бірақ менің ата-анам бұл мәселеде ерекше принципшіл болды. Сол қасиеттердің көбі маған да дарыған сияқты.

Менің анам қатал әрі принципшіл басшы болды. Ол 20 жылдың ішінде Тараз қаласының орталығындағы қарапайым қазақ мектебін еліміздегі ең мықты әрі беделді оқу орындарының біріне – Төле би атындағы №8 гимназияға айналдырды. Соған қарамастан, ол мұғалімдерге маған бағаны көтеруге немесе қандай да бір жеңілдік жасауға ешқашан жол берген емес. Керісінше, тапсырманы көбірек беріп, менен басқалардан да қатты талап етуді сұрайтын.

Әкем де қатал әрі адал адам еді. Ол Жамбыл облысы бойынша құдықтар мен гидротехникалық нысандардың жобаларын әзірледі. Жағымпаздарды, жалтақтарды және жемқорларды жаны сүймейтін. Ондай адамдармен амандасудан да қашқақтайтын. Тіпті кездейсоқ амандасып немесе сөйлесіп қалса, үйге келген соң қолын жуып алатын. Қазір ойласам күлкілі көрінеді, бірақ бұл шындық болатын.

Сезімдер мен үміттер туралы

Ең алдымен, мен өзімді бақытты адаммын ба деген сұрақтан бастайын.

Иә, мен бақыттымын.

Мен өз жұмысымды жақсы көремін. Таңертең жұмысқа кетіп бара жатқанымды, кешке шаршап қайтып келгенімді көріп жүретін балаларымның, жұбайымның және жақындарымның жанымда болуы – мен үшін үлкен бақыт.

Әзірге балаларым әкесінің жұмыста қаншалықты күш жұмсайтынын толық түсіне бермейді. Шынын айтсам, мұны көмекшім Мадинадан басқа ешкім толық түсінбейтін шығар. Бірақ балаларым ержетеді, біз бойларына сіңірген құндылықтармен өмір сүреді.

Мен Мәжілісте күн сайын талқылап, қабылдап жатқан заңдар халқымыздың өмірін жақсартса екен деп армандаймын. Оның ішінде өз балаларымның да болашағына оң әсерін тигізсе деймін. Осы мақсат жолында мен де, әріптестерім де аз еңбек еткен жоқпыз.

Мансап туралы

Менің мансабым – қағаздағы әдемі жазылған өмірбаян емес. Ол – өмірімнің нақты үш кезеңінен тұратын үлкен жол.

Біріншісі – ғылым мен оқытушылыққа арналған 14 жыл.

Екіншісі – соттардағы заңгерлік тәжірибеге арналған 7 жыл.

Үшіншісі – соңғы 3 жылдағы Парламенттегі қызмет.

Менің күшім де осы жолда жатыр.

Студенттерге дәріс оқи жүріп, аудиторияны басқару қабілетімді жетілдірдім. Жер құқығы сияқты күрделі саланы жастарға қызықты етіп жеткізе білдім. Әрбір дәріс арқылы өзімді болашақтағы кәсіби аудиториялармен жұмыс істеуге дайындадым.

Ғылымға арналған жылдар білімімді шыңдап, кәсіби құзыретімді арттырды. Ал соттарда азаматтардың жерге қатысты құқықтарын қорғауға жұмсаған жеті жыл тәжірибемді толық қалыптастырды.

Осындай жолдан кейін Парламенттегі жетістіктерім өмір жолымның заңды жалғасы болды.

Достық және айналамдағы адамдар туралы

Мен үшін ешқашан бай немесе танымал адам маңызды болған емес. Мен әрдайым өз ісінің кәсіби маманын, мойындалған сарапшыны жоғары бағаладым.

Айналамдағы адамдарды да осы қағида бойынша таңдадым және әлі де солай таңдаймын. Екінші маңызды өлшем – достыққа адалдық.

Өмірімде бір рет болса да сенімімнен шыққан жалған достарды және маған теріс әсер ететін адамдарды еш қиналмай өз ортамнан алыстатамын.

Мен сөзге емес, іске сенемін.

Өйткені адамның шынайы болмысын оның сөзі емес, ісі көрсетеді.

Білім мен қызығушылықтар туралы

Мен білімге әрдайым ерекше құрметпен қарадым.

Мен білімді әрі кітап оқуды жақсы көретін отбасында өстім. Анам – 55 жылдық еңбек өтілі бар педагог, әкем – инженер-жобалаушы және гидрогеолог.

Біздің үйде кітаптың орны ерекше болатын.

Мектептен келген соң 90 жастағы көзі көрмейтін әжеме кітап оқып беретінмін. Шешендік өнер, билердің төрелігі, ақындардың өлеңдері, қазақ тарихы мен мәдениеті туралы еңбектерді бірге оқыдық.

Қазақ тарихы мен әдебиетінен бөлек, палеонтологияға, археологияға, әлем тарихы мен географиясына қызықтым.

10-сыныпта заң саласына деген қызығушылығым ерекше оянды. Университетке түскенше күтпей, белгілі заңгерден жеке сабақ алып, құқық негіздері мен құқық салаларын терең меңгере бастадым.

11-сыныпқа келгенде заң университетінің екінші және үшінші курс бағдарламасының едәуір бөлігін жатқа білетінмін.

Студенттік төрт жыл ішінде бірде-бір рет дискотекаға, клубқа немесе барға барған емеспін. Есесіне уақытымның көп бөлігін университет кітапханасында өткіздім.

Мен әрдайым өмірдегі басымдықтарды дұрыс қоя білдім. Соның жемісін көріп жүрген сияқтымын.

Мінезім, болмысым және темпераментім туралы

Менімен бірге өмір сүру де, жұмыс істеу де оңай емес.

Бала кезімнен өзім де, ата-анам да менің тік мінезімнен талай қиындық көрдік. Біреу сынаса, ашуға беріліп, терезе сындырған, жиһаз бүлдірген, айлар бойы салған суреттерімді жыртып немесе лақтырып жіберген кездерім болды.

Жас ұлғайған сайын өзімді тәртіпке үйреттім, мінезімді тежей білдім. Бірақ менімен өмір сүру немесе жұмыс істеу жеңілдеп кетті деп айта алмаймын.

Жұбайым Адельге ерекше ризамын. Ол маған екі керемет бала сыйлады. Балаларым мені сабырлырақ әрі байсалдырақ етті.

Сондай-ақ, маған сенгені және әрдайым мені бірінші орынға қойғаны үшін де оған алғысым шексіз.

Мен өз ұстанымынан таймайтын, мінезі бар, ар-намысты адамдарды құрметтеймін. Шындықты айту қиын болса да, оны бетке айтатын адамдарды сыйлаймын.

Өз көзқарасы жоқ, өз құқығы мен мүддесін қорғауға дайын емес, өзгенің айтқанымен ғана жүретін адамдарды әлсіз деп санаймын.

Принципшілдік пен батылдықты бір сәтте емес, бүкіл өмір бойы дәлелдеу керек. Ол үшін адам біліммен, тәжірибемен және кәсіби құзыретпен қарулануы тиіс.

Бүгінде Парламенттегі жұмысыма дәл осы қасиеттер көмектесіп келеді.

Жалпы алғанда, Парламент мені тәртіпке шақырып, эмоцияға берілетін коммерциялық заңгерден жауапты мемлекет қайраткеріне айналдырды.

Бұл жолда Мәжіліс Төрағасы Ерлан Қошановтың еңбегі зор. Ол менің кәсіби қалыптасуыма үлкен ықпал етті.

Жалпы, өмірім туралы айтарым мұнымен шектелмейді. Қазіргі ойларым мен сезімдерімді әлі де ұзақ баяндауға болар еді.

Бірақ кейде әр адам осылай өткен жолына көз жүгіртіп, өз өмірін саралап отыруы керек деп ойлаймын.

Өйткені дәл сондай сәттер адамға жүріп өткен жолын бағалауға, жетістігі мен қателігін таразылауға және алдағы мақсатын айқындауға мүмкіндік береді.

Бақытжан Базарбек, мәжіліс депутаты

Abai.kz