Кеше Астанадағы Орталық коммуникациялар қызметінде өткен брифингте ҚР Еңбек және әлеуметтік қорғау министрі Тамара Дүйсенованың хабарлауынша, еңбек күшіне зәру өңірлерге қоныстанған оралмандар мемлекеттен арендалық үйлер алуына болады.

Яғни, Үкімет еңбек ресурстары бойынша тапшылық көріп отырған аймақтарды анықтап, оралмандарға сол өңірлерге қоныстануға ұсыныс білдіреді. Біздің білуімізше, жақында ғана жарияланған №248 қаулы бойынша, Ақмола, Атырау, Шығыс Қазақстан, Батыс Қазақстан, Қостанай, Павлодар, Солтүстік Қазақстан сынды 7 облыс оралмандардың қоныстануына белгіленген.

Министрдің айтуынша, сондай өңiрлерде тұруға ниет танытқан қандастарға ҚР Үкiметi әлеуметтiк пакеттер ұсынады. Оның iшiнде жолға кеткен шығын өтелiп, қосымша қызметтік пәтерлер беріледі. Сондай-ақ, оралмандар бұл пәтерлерді бес жылдың iшiнде өздерiнiң меншiгiне аудара алады.

Абай-ақпарат