ӘМІРХАН БАЛҚЫБЕКТІҢ РУХЫНА АС БЕРІЛДІ
Бүгін Қазақстан жазушылар одағында марқұм Әмірхан Балқыбектің рухына арнап ас берілді. Қырық бесінде мезгілсіз сөнген ақынға құран бағышталды. Сыйлас ағалары мен сырлас достары орыны ойсырап тұрған Әмірхан Балқыбек туралы естеліктер айтты. Қимас көңілдің өлеңдері оқылды. Алдағы уақытта ақынның шығармалары мен белес – іздері туралы кітаптар шығарылатыны сөз болды.
17 мамырда ақынның туған жері Шардарада қырқы нәзірі беріледі. «Абай» порталы Әмірхан Балқыбектің шығармашылығы мен ол туралы естеліктерді үзбей жариялап отырады.
Абай-ақпарат
