УКРАИНА РЕСЕЙ АЗАМАТТАРЫН ЕЛ АУМАҒЫНА КІРГІЗБЕЙТІН БОЛДЫ
Украинаның мемлекеттік шекара қызметінің хабарлауынша, Ресейдің "әскер жасындағы" ер адамдарының ендігі уақытта Украина аумағына кіруіне шектеу қойылып, Ресей шекарасындағы бақылау күшейтетілмек. “Азаттық” радиосы таратқан ақпаратқа сүйенсек, Украина билігі ел аумағына ресейлік 16 мен 60 жас аралығындағы ер адамдардың кіруіне тыйым салған.
Ал ресми Мәскеу Киевтен тыйымның не себептен салынғанын түсіндіруді талап еткен көрінеді.
Абай-ақпарат
