Жақында Қытайдың Іле қазақ автономиялы облысына қарасты Қорғас қаласында бокстан 7 мемлекет қатысқан жарыс өтті. Ресей, Филиппин, Түркменстан, Тайланд , Қытай боксшылары бақ сынаған сайысқа Қазақстан атынан Қабанбай Ермұратұлы қатысып топ жарды. 91 кг салмақта шаршы алаңға шыққан Қабанбай – биыл 22 жаста. Ол белгілі композитор, «Көк тудың желбірегені» әнінің авторы, ақын Ермұрат Зейіпханұлының үлкен ұлы. Алматыдағы Қазақтың спорт және туризм академиясының түлегі.

Марқұм  Ерекең жасындай жарқ етіп қана өмірден өтседе, артында қалған тұяғы «Көк туды» төмен түсірген жоқ. Жолың ашық болсын, Ер Қабанбай!  

Abai.kz