Бүгін Мемлекет басшысы Нұрсұлтан Назарбаев Серік Ахметов Үкіметінің отставкасын қабылдағаны мәлім болды.

Осыған орай, бүгін сағат 18.30-да Президент Парламент депутаттарымен кездесуге келе жатыр. Президент Парламентке тегіннен тегін бас сұға бермейді, әрине. Сондықтан Ахметов үкіметінің отставкасымен қоса, бірқатар өзгерістер болуы әбден мүмкін.

Ұзынқұлақтың айтуына қарағанда, Нұрлан Нығматуллин Мемхатшылыққа тағайындалып оның орнына Алматы қаласының әкімі Ахметжан Есімов қонжияды-мыс. Ал, Ахметжан Смағұлұлының орынтағы Дариға Нұрсұлтанқызына бұйырмақ. Бұдан басқа да ауыс-түйістер болып қалуы кәдік. Жаңалықтың бәрін кешкі алты жарымнан күтеміз.

Абай-ақпарат