Украина Сыртқы істер министрі Андрей Дещица Жоғарғы Раданың шешімі бойынша қызметінен босатылды, - деп хабарлайды Tengrinews.kz7  Дещицаны қызметінен кетіру туралы президенттің ұсынысын 319 депутат қолдады, шешім шығару үшін 226 дауыстың өзі жеткілікті болған. 

Сыртқы істер министрлігінің жаңа басшысы болып Павел Климкин тағайындалды. Ол осы кезге дейін Украинаның Германиядағы елшісі болыпты.

Еске салайық, Андрей Дещица Ресейдің Киевтегі елшілігіне жасалған шабуылдан соң жанжалдың ортасында қалды. 14 маусымда оқиға орнына келген министр ереуілшілерге тыйым салмайтынын,  мүмкіндігі болса, өзінің де оларға қосылатынын айтты. Ол қызды-қыздымен жиналғандарға "Путин - ("пәленше")" деген ұран тастаған еді.

Абай-ақпарат