Жұма, 4 Сәуір 2025
Шамшырақ 9651 0 пікір 1 Қаңтар, 2015 сағат 00:56

ЕЛБАСЫНЫҢ ЖАҢА ЖЫЛДЫҚ ҚҰТТЫҚТАУЫ

Қазақстан Президенті Нұрсұлтан Назарбаевтың қазақстандықтарды Жаңа 2015 жылмен құттықтауы.  

Құрметті қазақстандықтар!
Қымбатты отандастар!

Жаңа жыл - баршаға жан шуағын сыйлайтын жайдары мереке. Жыл сайын біз оны үкілі үмітпен, игі тілекпен қарсы алып, толайым табыспен шығарып саламыз. Әлемдік экономикадағы бүгінгі қиындыққа қарамастан биыл да әл-ауқатымыз арта түсті.

Өтіп бара жатқан жыл дамудың келесі кезеңіне бастайтын оқиғалармен айшықталды. Біз алдағы жылы күш-қуатымызды еселейтін ауқымды нарықтың есігін ашамыз. Бағдарымыз - белгілі, таңдауымыз - айқын, мақсатымыз - биік. Баршаға шұғыла шашатын «Нұрлы жол» бүкіл еліміздің күретамырына айналды.

Келер жыл - терең тарихымызға, құқықтық негізімізге, берекелі бірлігімізге құрмет көрсететін жыл. Ынтымағы жарасқан халқымыз осы айтулы оқиғаларды лайықты атап өтеді деп сенемін. Қазақ халқы қой түлігін ежелден құт-берекенің басы деп білген. Ендеше, алдағы Қой жылы молшылық пен ырысын ала келсін! Еліміздегі әр шаңырақтың дәулеті мен сәулеті артып, татулығымыз нығая берсін! 

Жаңа жыл құтты болсын, ардақты ағайын!

 

(Дереккөз: http://www.inform.kz/kaz/article/2733100)

 

0 пікір

Үздік материалдар

46 - сөз

Қайраулы қара семсер

Есболат Айдабосын 1327
Анық-қанығы

Еуропаға Ресей аумағынсыз шығу жолы

Асхат Қасенғали 3935
46 - сөз

Бізге беймәлім Барақ хан

Жамбыл Артықбаев 2878