Орыс биографиялық институты экономикалық стратегиялар институтымен бірлесіп, федералдық арналар мен БАҚ-тың қолдауымен Елбасы Нұрсұлтан Назарбаевты Ресейдегі «Жыл адамы - 2014» атағына лайық деп тапты.  

Қазақстан Президентіне бұл құрмет  Еуразиялық экономикалық одақты құрғаны үшін берілді. Сондай-ақ, Ресейдің «Жыл адамы - 2014» атағы

тағы төрт елдің басшысына табысталады.  Олардың ішінде Ресей Федерациясының президенті Владимир Путин, Беларусь Республикасының Президенті Александр Лукашенко ЕАЭО құрғаны үшін, Армения Республикасының президенті Серж Саргсян - ЕАЭО-мен саяси және экономикалық байланысты нығайтқаны үшін, ҚХР төрағасы Си Цзиньпин Ресей Федерациясымен экономикалық және саяси байланысты нығайтқаны үшін марапатталды.

Абай-ақпарат.