Еліміздегі ең «ерке» көлік жүргізушісі Мақсат Үсенов қамаудан босап шықты. Жол-көлік оқиғасынан кейін сот-медициналық тексеруден бас тартқан ол Алматы қалалық мамандандырылған ауданаралық сотының шешімімен 20 тәулікке қамалған болатын.

Еске сала кетейік, осыдан 1 жыл бұрын Алматы көшесінде көлік апатына жол беріп, алты адамды қағып, оның бірі оқиға орнында жан тапсырғаннан кейін Үсенов 2018 жылға дейін жүргізуші куәлігінен айырылған болатын. Алайда, заңның шектеуіне пысқырмаған ол тағы бірнеше мәрте көлік рулінде ұсталып, қомақты айыппұл төлеп құтылған еді. Оның соңғысы 15 қарашада орын алып, Үсеновты сот 20 тәулікке қамауды ұйғарған.