Қазақстан армиясы жаңа шақырылған 12 мың сарбазбен толығады, - деп хабарлайды Tengrinews.kz  Қорғаныс министрлігінің баспасөз қызметіне сілтеме жасап.

"1 қазаннан бері Қазақстанның Қарулы күштерінің бөлімдері мен құрамаларын жас сарбаздармен жасақтау жөніндегі медициналық және шақыру комиссиялары жұмысын бастады. Биылғы күзде әскерге 12 мың сарбаз шақырылады", - деп хабарлаған Қорғаныс министрлігінің баспасөз қызметі.

Мерзімді әскери қызмет сарбаздары үшін әскери борышты өтеу мерзімі - 12 ай.

Өткен жылы Қазақстан әскеріне 10 мыңнан астам жас сарбаз алынған. Бұған дейін 2016 жылы Қазақстан әскерінің кәсіби армияға айналатыны хабарланған.

Абай-ақпарат