Қазақстанның құрылысшылары доллардан бас тартпақшы

Қазақстанның құрылысшылар ассоциациясы Кеңес отырысынан кейін тұрғын үй құрылысын долларсыздандыру жөнінде шешімге келді. Қауымдастық мүшелері төлем құралы ретінде доллардан толығымен бас тартататын болады, -  деп хабарлады қауымдастықтың баспасөз қызметі.

«Енді жаңа үйлердің бағасы тек ұлттық валютамен бағаланатын болады. Біз өзге құрылыс нарығында жұмыс істейтіндерді де доллардан бас тартуға шақырамыз. Бұл үйдің бағасын өсірмей, тұрақты ұстап тұруға кепілдік береді», - деді Қазақстан құрылысшылар қауымдастығының төрағасы Айдын Рахымбаев.   

Оның айтуынша, теңге құнсызданғаннан кейін, үйдің бағасы 4,2 процентке өскен.

Абай-ақпарат