Сирияға таяу Түркияның әуе кеңістігінде өткен жұма күні түрік әскерлерінің атып түсірген ұшқышсыз ұшатын аппарат Ресейде өндірілген болып шықты. Алайда Мәскеу Анкараға бұл аппараттың Ресейге тиесілі емес екенін айтқан. Осылай деп дүйсенбі күні Түркияның премьер-министрі Ахмет Давутоглу AHaber телеарнасына мәлімдеді.

Телеарнаға берген сұхбатында Давутоглу ұшқышсыз аппараттың Сирия президенті Башар Асадтың әскеріне не болмаса күрд милициясына тиесілі болуы мүмкіндігін жоққа шығармайды. Ол Ресейдің ұшақтарының Түркия әуе кеңістігін басып өткен жағдайдан кейін өте мұқият болатын шығар деп үміттенетінін де жеткізді.

16 қазанда Түркия күштері Сирия шекарасына таяу ұшып жүрген аппаратты атып түсірген. Оның қай елге тиесілі екенін әлі анықтай алмай жатыр. Осыған дейін 21 қыркүйекте Пентагон Сирияда ұшқышсыз ұшақтар ұшырып жатқанын ескерткен болатын.

Абай-ақпарат