Ресей қорғаныс министрінің орынбасары Ресейдің тәжік-ауған шекарасын бақылауды қайта қолға алу мүмкіндігін алға тартты. Юрий Борисов бұл жөнінде 15 қазанда Астанада «Рейтерс»  агенттігіне берген сұхбатында айтты.

Ол мәселе екі мемлекет басшылары деңгейінде шешілетінін, қазіргі жағдайға байланысты бәрі мүмкін деді.

Владимир Путин мен Эмомали Рахмон 6 қазанда Сочиде өткен кездесулері кезінде тәжік-ауған шекарасындағы қатерді талқылаған болатын. Кездесу қорытындысында Ресейдің Тәжікстанға әскери көмек беруге ниетті екендігі айтылған. Алайда бұл жерде Ресей әскери күштің тәжік шекарасына қайта оралуы мәселесі айтылмады. Ресей шекарашылары Тәжікстаннан 2005 жылы толықтай кеткен болатын.