Келер жылы Қазақстан Республикасының елтаңбасы өзгереді, - деп хабарлайды Аlmaty.tv сайты.

Мемлекеттік рәміздің жаңа түрі 2016 жылдың 1 қаңтарынан бастап қолданысқа енбек. Арнайы стандарт бойынша елтаңбаның өлшемі бекітіліп, түсі алтынға боялмақ. Оған басты себеп бүгінге дейін елтаңбаның түсі, тіптен көлемі әр түрлі болып келген. Жалпы жаңадан бекітілген мемлекеттік рәміз 2017 жылдың шілде айына дейін ауыстырылып бітуі тиіс. 

Сондай-ақ, жаңа елтаңбаны барлық мекемелер өз бюджеттерінен жаңалайды. Ол үшін Үкіметтен ешқандай артық ақша бөлінбейді. Ал, ескі елтаңба 2017 жылдың 1 шілдесіне дейін толық ауысып бітуі тиіс. Елтаңбаны арнайы рұқсаты бар жарнама агенттіктері бекітілген стандарт бойынша жасауы қажет. Егер қандай да бір олқылық жіберсе, 400 айлық есептік көрсеткіш көлемінде айыппұл жүктеледі. 

Абай-ақпарат