АҚШ мемлекеттік хатшысы Джон Керри Сирияда Ресейдің «Ислам мемлекеті» (ИМ) экстремистік тобына қарсы жойғыш ұшақтың пайда болуы АҚШ басшылық ететін халықаралық коалицияға қауіп төндіруі мүмкін деп мәлімдеді. Ол мұны Лондонда британдық әріптесі Филип Хэммондпен кездесуден кейінгі баспасөз мәслихатында айтты.

Ресей өз кезегінде ИМ-ға қарсы Сирияда әскерлерін күшейтіп жатқанын мәлімдеді. Алдында Джон Керри Вашингтон Сириядағы ішкі кикілжіңді реттеу үшін сол елдің президенті Башар Асадтың отставкаға кетуі мүмкіндігін кейінге қалдырады деген болатын.

Мемлекеттік хатшы сонымен бірге Ресейді және Иранды Башар Асадпен келісімге отырып, Сириядағы жағдайды бейбіт түрде шешуге шақырды.

Абай-ақпарат